У досыць вялікі рондаль наліць палову вады і паставіць закіпаць. Пакуль закіпае вада праробліваем наступнае.

У глыбокую патэльню з вечкам (пажадана без дзіркі, а калі ёсць, то затыкнуць запалкамі, мы будзем тушыць гародніну ва ўласным соку) пакласці кавалачак сметанкавага масла, зверху парэзаную гародніну: пару цыбулін, штук пяць сярэдніх моркваў, сярэдні бурак і чвэрць сярэдняга качана капусты. (можна замяніць квашанай, але тады яе не трэба тушыць, а пакласці пазней).

Патэльню ставім на агонь, хвілін пяць трымаем на сярэднім агні, затым тушым на малым яшчэ хвілін 15-20, часам змешваючы. Затым змесціва патэльні выкладваем у кіпячую ваду, дадаем соль, тры-чатыры сталовых лыжкі таматавай пасты, (калі свежая капуста была замененая квашанай, то яе дадаем тут), даводзім да кіпення і варым 50 хвілін.

Затым дадаем 3-4 штукі парэзаных сярэдніх бульбін, даводзім да кіпення, варым яшчэ хвілін 15.