- бульба - 5-6 клубняў

- крупа (пшанічная, пярловая, аўсяная) - 1 шклянка

- морква - 1 шт. сярэдніх памераў

- корань пятрушкі - 1 шт.

- цыбуля рэпчатая - 1 цыбуліна

- масла сметанкавае - 2 ст.л.

- агуркі салёныя - 2 шт. сярэдніх памераў

- тамат-пюрэ - 1 ст.л.

- агурочны расол - 1/2 шклянкі

- соль,

-перац,

-лаўровы ліст - па густу

- булён ці вада - 2 л

- мяса (ялавічына, бараніна) - 500-600 г

Расольнік рыхтуюць на мясным булёне з рознымі мяснымі прадуктамі. Для вегетарыянскага расольніку запатрабуюцца свежыя ці сушоныя грыбы (5-6 шт.). Крупу перабраць, добра прамыць, заліць трыма няпоўнымі шклянкамі кіпеню, паставіць на слабы агонь і распарыць да размякчэння.

Адвар зліць, а крупу прамыць. Бульбу нарэзаць невялікімі брусочкамі, моркву і пятрушку лустачкамі, цыбулю - паўколамі. Карэнні і цыбулю абсмажыць на масле, дадаўшы тамат-пюрэ.

Агуркі ачысціць, выдаліўшы скурку і насенне. У кіпячы булён пакласці крупу і варыць да гатовасці. За 15-20 хвілін да канчатка варкі дадаць бульбу, пасераваныя карэнні, агуркі. У канцы варкі расольнік заправіць агурочным расолам, соллю па густу.