- трыбухі гусіныя, галовы, шыйкі, крыльцы – 125 г

- пятрушка - 45 г

- пастарнак - 30 г

- салера – 15 г

- цыбуля рэпчатая - 1 цыбуліна

- цыбуля-парэя - 30 г

- шчаўе, шпінат ці салата - па невялікім пучку

- агуркі салёныя - 2-3 шт.

- масла сметанкавае - 1 ст.л.

- малако - 1/3 шклянкі

- яйка - 1/5 шт.

- лаўровы ліст,

-перац,

-зеляніна - па густу

Гусіныя трыбухі (а таксама галовы, шыйкі, крыльцы) старанна абпаліць, прамыць, рассекчы шыйку на тры-чатыры часткі, крыльцы - на дзве часткі. З галавы выняць вочы, сэрца надрэзаць і выдаліць кроў, страўнік разрэзаць напалову.

Трыбухі абпаліць, прамыць халоднай вадой, заліць гарачай вадой ці булёнам (мясны ці касцяны), заправіць спецыямі (перац, лаўровы ліст), духмянымі траўкамі і варыць пры слабым кіпенні да гатовасці. Пячонку сварыць асобна.

Булён працадзіць, праз 15-20 хвілін зняць з паверхні тлушч і прыгатаваць на гэтым булёне расольнік. Карэнні і цыбулю дробна нашаткаваць і спасераваць на тлушчы.

Перабранае лісце шчаўя і шпінату (ці замяняючай іх салаты) пасекчы як капусту, агуркі ачысціць ад скуркі і, разрэзаўшы ўздоўж, выдаліць насенне, а затым нарэзаць папярок буйнай саломкай (па жаданні скурку і насенне можна не выдаляць).

У кіпячы булён пакласці пасераваную гародніну, агуркі, заправіць спецыямі і паставіць на агонь на 15-20 хвілін. За 5 хвілін да канчатка варкі ў расольнік дадаць шпінат, шчаўе, соль і агурочны расол (па густу), які папярэдне пракіпяціць і працадзіць.

Перад падачай галаву гусака рассекчы напалову, страўнік, сэрца і пячонку нарэзаць лустачкамі. Прагрэтыя трыбухі пакласці ў талерку, дадаць сумесь з яйкаў і малака, наліць расольнік і пасыпаць дробна нарэзанай зелянінай