-рыба - 150 г.  

-агуркі салёныя - 50 г.

-цыбуля рэпчатая - 40 г.

-тлушч - 10 г.

-тамат-пюрэ - 20 г.

-лаўровы ліст

-перац чорны гарошкам

-соль

Разрабіць рыбу на паляндвіцу без костак, нарэзаць яе парцыённымі кавалкамі, апырскаць разведзеным воцатам і вытрымаць на холадзе 30 хвілін. З галавы (без жабраў) і костак сварыць булён.

Дробна нашаткаваць рэпчатую цыбулю, злёгку абсмажыць на тлушчы, дадаўшы ў канцы тамат-пюрэ. Салёныя агуркі, вычышчаныя ад скуркі, нарэзаць тоненькімі лустачкамі.

Працадзіць булён, пакласці ў яго агуркі, варыць 15-20 хвілін, затым дадаць абсмажаную з таматам-пюрэ цыбулю, лаўровы ліст, чорны перац гарошкам, соль і кавалачкі рыбы.

Варыць да гатовасці. Пры падачы пакласці ў талерку здробненую зеляніну пятрушкі і лустачку цытрыны.