- субпрадукты

- пятрушка (корань) - 3 шт.

- пастарнак (корань) - 1 шт.

- салера (корань) - 1 шт.

- цыбуля рэпчатая - 4 шт.

- шчаўе – 100 г

- шпінат ці салата – 100 г

- агуркі салёныя - 2 шт.

- масла сметанкавае – 40 г

- сліўкі ці малако – 300 г

- яйка - 1 шт.

- булён ці вада - 1.5 л.

Субпрадукты - галовы, шыйкі, крыльцы - апарваюць, з галоў вымаюць вочы, страўнікі разразаюць на 2 часці, выдаляюць змесціва і здымаюць унутраную скурку, сэрца надразаюць і выдаляюць кроў.

Ногі апарваюць, чысцяць ад скуркі і адсякаюць кіпцюры. Апрацаваныя субпрадукты мыюць, апарваюць, яшчэ раз прамываюць, заліваюць гарачай вадой ці булёнам і вараць 1 - 2 гадзіны.

Печань вараць асобна. Затым булён зліваюць, працэджваюць, даюць настаяцца, праз 15 - 20 хвілін здымаюць з булёна тлушч, а булён выкарыстоўваюць для расольніка.

Гатовыя субпрадукты рассякаюць: шыйкі на 3-4 часці, крыльцы на 2 - 3 кавалка, галаву на 2 часці ўздоўж, ногі на 2 - 3 часці, страўнік, сэрца і печань наразаюць лустачкамі .

Падрыхтаваныя субпрадукты заліваюць булёнам і падаграваюць. У кіпячы булён кладуць гародніну, прыпушчаныя агуркі і вараць 5-10 хвілін. Затым дадаюць нарэзанае лісце шчаўя і шпінату ці салаты, спецыі, соль, агурочны расол па густу і вараць да гатовасці.

Расольнік можна рыхтаваць без шчаўя і шпінату. Пры падачы ў расольнік кладуць кавалачкі субпрадуктаў , дадаюць льезон, пасыпаюць зелянінай. Асобна падаюць ватрушкі з тварагом.