- каплун - 1 шт.

- стэрлядзь (ці хек) - 3 шт.

- сыраежкі - 1 кг

- баравікі (невялікія 8 см капялюшык) - 30 шт.

- бульба - 6 шт.

- яблыкі

- цыбуля - па густу

-заправы - па густу

-спецыі - па густу.

Каплун варыцца да гатовасці ў 3-х літрах вады, вымаецца з рондаля і прыбіраецца. Булён працэджваецца, асвятляецца цыбуляй, затым у ім варыцца стэрлядзь.

Рыба па гатовасці таксама вымаецца, кладзецца ў рондаль і злёгку пратушваецца з цыбуляй і яблыкамі. Яна паслужыць другой стравай. У працэджаны булён апускаюцца старанна вычышчаныя сыраежкі і адварваюцца хвілін 7 - да амаль поўнай гатовасці.

Потым іх кладуць у гліняны гаршок і прысольваюць дзвюма лыжкамі солі. (да вечара свежапрасоленыя сыраежкі пышна храбусцяць пад халодную гарэлку).

У прыгатаваны такім чынам булён апускаюць разрэзаныя напалову баравікі і нарэзаную тонкімі кружкамі бульбу.

Страва варыцца 12 хвілін, пасля чаго запраўляецца зелянінай і заправамі. Да стала падаецца без смятаны (нельга, бо страва нішчымная).