- гарбуз – 200 г

- цыбуля-парэя – 30 г

- фасоль (струкі) – 25 г

- мука – 12 г

- масла сметанкавае – 12 г

- малако – 75 г

- яйка (жаўткі) - 1/8 шт.

- грэнкі – 18 г.

Цыбулю-парэю злёгку спасераваць, злучыць з нарэзанымі кавалачкамі гарбуза, заліць булёнам ці вадой, дадаць масла, трохі солі і прыпусціць. Гатовую гародніну працерці.

Струкі фасолі нарэзаць брусочкамі і адварыць для гарніру. Адначасова з падсушанай мукі і булёна прыгатаваць белы соус, далучыць да яго працёртую гародніну, варыць 15-20 хвілін, выдаляючы пену, якая з'яўляецца на паверхні.

Пасля гэтага суп працадзіць праз сіта, ізноў давесці да кіпення і, зняўшы з агню, паставіць на вадзяную лазню.

Суп заправіць сумессю з яечных жаўткоў і малака, дадаць соль па густу, кавалачкі сметанкавага масла і размяшаць да утварэння аднастайнай масы.

У талерку з супам пакласці кавалачкі вараных струкоў фасолі. Асобна падаць грэнкі. Гэты суп можна таксама прыгатаваць на малацэ (суп-крэм)