-сачавіца чырвоная - 400 г

-нут - 200 г

-памідоры - 2 шт.

-цыбуля рэпчатая - 2 шт.

-салера - 3 сцябла

-імбір - па густу

-часнык - 3 зубчыка

-пятрушка - 2 ст. лыжкі

-мята - 1 ст. лыжка

-кумін (зіра) - 1 гарбатная лыжка

-куркума - 1 гарбатная лыжка

-семена каляндры - 1 гарбатная лыжка

-перац чылі - 1 гарбатная лыжка

-булён ялавічны - 1,5 л

-фундук - 5 ст. лыжак

-цэдра цытрынавая - па густу

-сок цытрынавы - па густу

-соль - па густу

-перац чорны молаты -па густу

1. Сцеблы салеры парэзаць невялікімі кубікамі. Нарэзаць дробна цыбулю і пасекчы часнык. Памідоры ачысціць ад насення і скуркі, парэзаць кубікамі. Зеляніну вымыць і дробна насекчы.

2. Нут адварыць загадзя. Замачыце яго на ноч у вадзе, прамыйце і сварыце да амаль(!) гатовасці. Ён не павінен быць мяккім і развараным! Сачавіцу на гадзіну заліце халоднай вадой.

3. Наліць у вялікі рондаль аліўкавы алей. Абсмажыць цыбулю і салеру. Дадаць нацёрты на дробнай тарцы імбір і пасечаны часнык. Абсмажваць пару хвілін. Дадаць куркуму, абсмажваць яшчэ хвіліну. Дадаць пятрушку.

4. Ўліць булён і давесці да кіпення. Дадаць у булён 2/3 сачавіцы. Адну траціну пакінуць! Варыць трыццаць хвілін на сярэднім агні. Дадаць памідоры і варыць хвілін пяць.

5. Адправіць суп у блендэр. Узбіць да стану пюрэ.

6. Выліць суп зваротна ў рондаль, даць закіпець. Дадаць каляндру і кумін, пакінутую сачавіцу. Варыць хвілін 10. Дадаць мяту і чылі, соль і перац.

7. Ачысціць цэдру цытрыны і выціснуць сок, дадаць у суп.

8. За пару хвілін да гатовасці пакласці нут. Выключыць суп і даць настаяцца.

9. Для запраўкі. Арэхі пакласці на патэльню ці ў жарастойкі посуд. Паставіць у разагрэтую да 180 градусаў духоўку, хвілін на 10, каб арэхі добра падрумяніліся.

Выняць, пакласці на дошку, накрыць сурвэткай і добра іх пастукаць качалкай і пракатаць (яны не павінны быць вельмі дробнымі). Сячэм калі трэба яшчэ нажом і змешваем з кумінам.

10. На стол падаваць асобна суп, асобна арэхі. Арэхамі пасыпаць ужо пры падачы