Ўзяць чыстае, добра саспелае насенне канопляў,

без прымешкі насення пустазелляў, вымыць, абсушыць

і абсмажыць на патэльні ці ў чыгунку, пакуль не пачнуць патрэскваць.

Гарачымі расцерці ў парашок

ці давесці да мяккай алеістай масы – канапляны алей.

(Прапусціць праз мясасечку 5 ці 6 раз ці праз кухонны электракамбайн.)

Дадаць соль па густу.

Выкласці ў місачку, здушыць і выраўнаваць.

Алей павінен быць зялёна-карычневым, з прыемным густам і пахам.

Калі насенне перасмажыць,

то канапляны алей атрымаецца горкім і цёмнага колеру.

Пры доўгім захоўванні тлушчы акісляюцца

і прадукт становіцца горкім.