-2 ст. лыжкі сухіх журавін

-2 ст. лыжкі карынкі (currants)

-2 цвёрдых спелых грушы

-1 вялікі зялёны яблык (але можна і Golden Delicious)

-2 ст. лыжкі несаленага сметанкавага масла

-5 ст. лыжак (75 мл) чырвонага віннага воцату

-2 ст. лыжкі дробнага цукру

-3 галінкі цытрынавага цім’яна*

-1 палачка карыцы

-соль - па густу

-свежазмелены перац - па густу

Замачыць журавіны і карынку ў невялікай колькасці цёплай вады на 10-15 хвілін ці пакуль яны не стануць злёгку мяккімі. Разрэзаць яблык і грушы напалову, выняць насенную камеру.

Можна ачысціць ад лупіны, але можна і пакінуць. Нарэзаць тонкімі долькамі ці невялікімі кубікамі.

Растапіць масла ў невялікім сатэйніку на сярэднім агні. Як толькі пачне ўтварацца пена, дадаць парэзаныя кавалачкі садавіны і рыхтаваць хвілін 8, пакуль яны не пачнуць станавіцца мяккімі.

Дадаць астатнія інгрэдыенты, акрамя солі і перцу, і тушыць хвілін 10 да гатовасці. Соус будзе мець бліскучую структуру.

Паспрабаваць і пасаліць/паперчыць па густу. Выняць палачку карыцы. Падаваць цёплым.

Можна захоўваць у халадзільніку тыдзень ці ў стэрылізаваных банках каля месяца.

Падаваць да мяса, гародніннага супу ці падсмажанага хатняга хлеба з сырам Манчэго.

Нататкі: * цім’ян можна і звычайны, але з цытрынавым духмяней