-1,5 кг зялёных таматаў,

-500 г цыбулі,

-8 зубкоў часныку,

-125 мл аліўкавага алею,

-2 струка перцу "Пепероні",

-3 ст. л. пятрушкі,

-3 ст. л. базіліка,

-2 ст. л. цім’яна,

-1 ст.л.любісты,

-1 ст.л. зеляні салеры,

-1 ст. л. лісця агурочнай травы,

-3 лаўровых ліста,

-1 ст. л. зерняў пімента,

-500 мл духмянага воцату з травой ці віннага воцату,

-150 г цукру,

-1 ст. л. солі.

Таматы разрэзаць напалову, выняць зерні і буйна парэзаць. Цыбулю ачысціць, пасекчы і тушыць у аліўкавым алеі да празрыстасці. Здрабніць часнык і парэзаць на палоскі перац.

Таматы, цыбулю, часнык і перац перамяшаць і затым патушыць 10 хвілін. Дадаць воцат, пасечаную траву, лаўровы ліст, цукар, соль і зерне пімента.

Масу на слабым агні пагатаваць яшчэ 20-30 хвілін, пакуль таматы не растворацца. Гарачую масу разліць у падрыхтаваныя стэрылізаваныя гарачыя шкляныя слоікі. Закатаць і захоўваць у цёмным халодным месцы.