-2-5 шклянак геркулеса,

-0.5-1 шклянку пшанічных круп,

-0.5-1 шклянку ячных круп,

-1 невялікі яблык,

-пару долек цытрыны, можна трохі сушонай лупіны цытрыны і (або) памяранца,

-пару-тройку сталовых лыжак цукру,

-кавалачак жытняга хлеба з разынкамі і (або) ст.лыжку кефіру (на выбар)...

-1.5-2 літра цёплай кіпячонай вады...

Закіпяціць вады (каля літра), асобна змяшаць 1,5-2 шклянкі асновы (густая белая маса пасля закваскі) і 2 шклянкі квасу (гэта тая вадкасць, якая апынулася зверху пасля адстойвання), а хтосьці захоча дадаць фруктова-ягаднага соку? Размешваць трэба грунтоўна, каб не было камякоў...

Рондаль з кіпячай вадой павінен быць як мінімум на 2 літра, а то і пабольш. У выніку атрымаецца каля 1.5-2 літра вадкасці. Такім чынам суадносіны аб'ёму асновы да астатніх вадкасцяў дзесьці 1:3, 1:4... (1 частка асновы на 2-4 часткі вадкасці (вады, кваса, сока, кампота).

Дарэчы, чым менш вады, тым больш густу ў кісялі, але, калі будзе занадта шмат квасу, то кісель будзе вельмі кіслы. Далей, тонкім струменьчыкам уліваем разведзеную квасам (узварам, сокам, а можна ўсім разам) аснову у кіпячоную ваду, тут жа памяншаем агонь пад рондалем да мінімуму, бо на вялікім агні памяншаюцца усе карысныя рэчы.

Можна сыпануць туды цукру, карыцы, гваздзікі, спецый па гусце, кінуць грамаў 20-30 маргарыну або масла сметанковага. Хтосьці захоча дадаць расліннага алею, хтосьці пасаліць і паперчыць. Уварыце кісель да патрэбнай гушчыні (я уварываю да гушчыні кефіру) і ўжывайце, і які гарачым і халодным... Можна з сухарыкамі...

Дарэчы, асабіста мне здаецца, што гэты кісель валодае усімі вартасцямі ёгуртаў, кефіраў і ражанак. Ізотаў абяцае, што праз пару-тройку тыдзеньчыкаў рэгулярнага спажывання кісяля усе вашы слізістыя абновяцца, прычым у лепшы бок, а арганізм будзе атрымліваць смачную, карысную, і, што вельмі немалаважна, надзвычай недарагую ежу. Рэкамендуюць есць па шклянцы на сняданак.