Куцьця, прыгатаваная з пшана, пшаніцы ці пярлоўкі, звалася каляднай

і падавалася пад Каляды і пад Вадохрышча.

Куцьця з рысу была і застаецца памінальнай стравай.

-200 г рысу,

-50 г салодкага міндаля,

-6 зерняў горкага міндаля,

-100 г разынак без костачак,

-100 г дробнага цукру

Паставіць на агонь рыс.

Калі вада закіпіць, адкінуць на сіта, даць сцячы вадзе,

абліць яго халоднай вадой, ізноў скласці ў рондаль,

заліць на тры пальца вышэй вадой і даць уварыцца да мяккасці.

Тым часам абварыць увесь салодкі міндаль і норму горкага,

ачысціць, дробна стаўчы, скласці на талерку,

дадаць лыжку цукру і лыжку вады, размяшаць.

Калі рыс гатовы, зліць ваду, астудзіць, выкласці на міндаль,

усё перамяшаць і ўсыпаць астатні цукар.

У гэты ж час прыгатаваць разынкі: перабраць,

вымыць і, закіпяціўшы 1 раз у вадзе, адкінуць на сіта.

Даць сцячы вадзе, а разынкі выкласці ў гатовы рыс,

перамяшаць і падаваць да стала.

Да куцьці падаюць дробны цукар, віно.