- пшаніца - 2 шклянкі

- мак - 1 шклянка

- цукар - 1/2 шклянкі (або 100 г мёда) -

соль - па густу

Пшаніцу перабраць, прамыць, усыпаць у кіпень, давесці да кіпення,

адкінуць на сіта, абліць халоднай вадой, скласці ў рондаль

або гліняны чыгун, зноў заліць вадой, закіпяціць,

шчыльна зачыніць вечкам і пакінуць у духоўцы да гатовасці зерняў.

Вымыць шклянку маку, абліць яго кіпенем, а затым халоднай вадой,

стаўчы ў ступцы, пакуль маса не збялее, дадаць цукар або мёд,

можна трохі солі.

Атрыманую масу дбайна змяшаць з пшаніцай.

Калі куцьця апынецца занадта густой,

можна падліць трохі астыўшага пшанічнага адвара.