-свініна - 250 г

-бульба - 250 г

-яйкі - 4 шт.

-агуркі салёныя - 100 г

-соль - па густу

Для соуса:

-воцат - 1 г. лыжка

-яйка - 2 шт.

-пудра цукровая - 1 г. лыжка

-соль - 1 г. лыжка

-гарчыца - па густу

-алей - 3 ст. лыжкі

-малако - 2 ст. лыжкі

Мякаць свініны адварыце ў падсоленай вадзе,

астудзіце і нарэжце кубікамі.

Бульбу і яйкі адварыце, ачысціце і парэжце кубікамі.

Салёныя агуркі вазьміце цвёрдыя і хрумсткія, трохі пасушыце іх

ручніком і парэжце вострым нажом, не націскаючы, на дробныя кубікі.

Змяшайце ўсе кампаненты салаты ў зручным для Вас посудзе

і пасаліце па густу.

Зараз прыгатуйце соус: разбіце астуджаныя яйкі ў неметалічны,

досыць глыбокі посуд, ўзбіце іх з цукровай пудрай і соллю.

Каб хутчэй дасягнуць патрэбнага выніку, можна скарыстацца міксерам.

Калі сумесь дасягне густой кансістэнцыі,

дадайце туды гарчыцу і воцат.

Працягваючы ўзбіваць, тонкім струменьчыкам ўліце ў соус алей.

Узбівайце соус каля 3-5 хвілін.

У завяршэнне дадайце малако

і размяшайце ўсё да аднастайнага стану.

Гатовы соус астудзіце і запраўце ім салату.