-вялікі качан чырвонай капусты - 1 шт.

- невялікі качан белай капусты - 1 шт.

-грэйпфруты - 2 шт.

- яблыкі - 2 шт.

-корань салеры - 150 г

- сок - 1/2 цытрыны

- чырвоны перац (балгарскі) - 2 струка

- маянэз - 125 г

-сліўкі (смятана вышэйшай якасці) - 125 г

- вычышчаныя грэцкія арэхі - 60 г

- трохі травяной солі

Верхняе лісце з чырвонакачаннай капусты выдаліць. Унутранае лісце, аж да аднаго тонкага ліста, асцярожна выняць так, каб "чара" з чырвонага лісця засталася. Гэту "чару" асцярожна вымыць і даць ёй абсохнуць.

Вынятае лісце чырвонай капусты вымыць і парэзаць тонкай саломкай. Белакачанную капусту пачысціць, вымыць і парэзаць вельмі тонкай саломкай. Гэту саломку патаўчы таўкушкай да стану празрыстасці.

Грэйпфруты як след пачысціць да поўнага выдалення белай скуркі. Мякаць выняць і парэзаць на кубікі. Яблыкі вымыць, разрэзаць на 4 часці і выдаліць асяродак. Затым яблыкі парэзаць на кубікі.

Салеру пачысціць, пацерці на дробнай тарцы і паліць цытрынавым сокам. Струкі перцу вымыць, разрэзаць на 4 часці, вычысціць і парэзаць дробнай палоскай.

Маянэз змяшаць са сліўкамі і заправіць травяной соллю. Дробнапарэзаную траву змяшаць з прыгатаванымі кампанентамі (акрамя "чары" з чырвонай капусты) і соусам і даць пастаяць 15 хвілін пад вечкам.

Тым часам буйна пасекчы арэхі. "Чару" з чырвонай капусты пакласці ў вялікую салатную міску і напоўніць яе часткай салаты. Пасыпаць арэхамі. Пакінутую частку салаты паставіць побач у звычайнай салатнай місцы.