Для салаты:

-вычышчаная адвараная бульба -25 г

-адвараная морква - 25 г

-свежы агурок - 25 г

-свежы замарожаны зялёны гарошак - 15 г

-адвараная курыная паляндвіца - 45 г

-вараныя перапёлчыны яйкі - 2 шт.

Для соуса Ліёнез:

-дамашні маянэз - 3 ст. л.

-дробна пасечаная цыбуля-шалот - 5 г

-зерненая гарчыца - 5 г

-свежая пятрушка здробненая - 3 г

Для ўпрыгожвання:

-салата фрызе

-свежы міні-шпінат

-кукуруза

-салата "дубовы ліст"

Прыгатаваць дамашні маянэз з 1 ст. л. дыжонскай гарчыцы,

1 ст.л. белага віннага воцату, двух жаўткоў і солі (па густу).

Змяшаць усе інгрэдыенты ў блендэры, а затым,

не перастаючы памешваць, тонкім струменьчыкам уліць

не рафінаваны аліўкавы (ці іншы раслінны) алей.

Адкласці 3 ст. л. соуса для падрыхтоўкі соуса Ліёнез.

Дадаць дробна сечаную цыбулю-шалот, зерненую гарчыцу

і здробненую пятрушку і перамяшаць.

Зялёны гарошак ачысціць, зняўшы з кожнай гарошыны лупіну.

Бульбу, моркву, агурок, яйкі і курыную паляндвіцу парэзаць шарыкамі

адмысловым нажом ці пасекчы кубікамі памерам 0,5 см.

Пакласці ў міску, заправіць соусам Ліёнез па густу і перамяшаць.

Салатнае лісце прамыць і старанна абсушыць.

Пакласці салату на талерку, упрыгожыць салатным лісцем

і падаць да стала.