-бульба - 200 г

-морква - 100 г

-гарошак зялёны замарожаны - 100 г

-яйкі - 2 шт.

-паляндвіца хека - 100 г

-цыбуля салатная - 50 г

-маянэз - 75 г

-соль - па густу,

-перац чорны молаты - па густу

Бульбу вымыць, адварыць у мундзіры (30 хвілін),

ачысціць, нарэзаць дробнымі кубікамі.

Моркву вымыць, адварыць у лупіне (30 хвілін),

ачысціць і таксама нарэзаць дробнымі кубікамі.

Гарошак адварыць.

Для гэтага закіпяціць ваду, усыпаць замарожаны гарошак,

давесці да кіпення і варыць 2-3 хвіліны.

Ваду зліць. Яйкі адварыць, ачысціць і дробна нарэзаць.

Рыбу адварыць у невялікай колькасці вады (10-15 хвілін).

Пры неабходнасці адлучыць ад костак. Дробна нарэзаць.

Цыбулю ачысціць і дробна нарэзаць.

Злучыць усе інгрэдыенты. Перамяшаць.

Дадаць маянэз, соль, перац. Ізноў старанна перамяшаць.

Пакінуць салату Аліўе з рыбай у халадзільніку на 2-3 гадзіны.