-1 вілок белакачаннай капусты,
-1 морква,
-1 галоўка рэпчатай цыбулі,
-1-2 спелых памідора,
-1 струк салодкага перцу,
-1 сталовая лыжка зялёнага гарошку,
-2 сталовыя лыжкі журавін ці мочанай брусніцы,
-зеляніна кропу і пятрушкі,
-салатная запраўка,
-смятана ці маянэз.
Шчыльны круглы вілок белакачаннай капусты ачысціць ад верхняга лісця і вымыць. Зрэзаць храпку так, каб вілок быў устойлівы. Акуратна адлучыць верхавіну (1/4 ці 1/5 частку вілка) і выразаць змесціва вілка, пакінуўшы таўшчыню сценкі прыкладна 0,5 см. Такім чынам вілок ператворыцца ў салатнік, які можна запоўніць салатай са свежай гародніны. Нашаткаваць на буйнай тарцы моркву, нарэзаць саломкай салодкі перац, кольцамі цыбулю, лустачкамі ці долькамі памідоры, дробна насекчы кроп, пятрушку ці зялёную цыбулю. Дадаць журавіны ці брусніцу і зялёны гарошак. Для запраўкі салаты можна выкарыстоўваць смятану, маянэз ці салатную запраўку. Іх падаюць у асобным посудзе.
|