-1 невялікі вілок белакачаннай капусты,

-2 кіслых яблыка,

-1 невялікая цыбуліна,

-3 яйкі,

-2 гарбатныя лыжкі алею,

-1 гарбатная лыжка цукру,

-1 гарбатная лыжка гатовай гарчыцы,

-100 г слівак,

-зеляніна пятрушкі,

-цытрынавы сок ці сталовы воцат,

-соль.

Капусту нашаткуйце, дадайце соль і ператрыце, каб яна дала сок. Сварыце ўкрутую яйкі, астудзіце іх, ачысціце, адлучыце жаўткі і разатрыце. Яблыкі ачысціце ад скуркі, выражце асяродак і натрыце на буйнай тарцы. Цыбулю дробна пасечыце. Яблыкі і цыбулю дадайце ў міску з капустай. У жаўткі дадайце соль, цукар, гарчыцу і алей. Размяшайце, уліце цытрынавы сок і падмяшайце ўзбітыя сліўкі. Гэтым соусам заліце салату. Яечныя бялкі і зеляніну дробна пасечыце. Пасыпце імі выкладзеную у салатніцу салату і падайце на стол.