-пячонка трэскі - 1 слоік

-спаржа марская - 100 г

-памідоры чэры - 10 штук

-цыбуля чырвоная - 1 штука

-перац балгарскі - 1 штука

-агуркі маласольныя - 2 штукі

-праросткі бабовыя - 4 сталовыя лыжкі

-анчоусы салёныя ў масле - 3 штукі

-воцат вінны белы - 1 сталовая лыжка

-перац чорны молаты - дробка

1. Усю гародніну нарэзаць.

Цыбулю, перац і агуркі - кружочкамі-кольцамі.

Чэры - чвэртачкамі ці палоўкамі.

2. Дадаць марскую спаржу і праросткі. Перамяшаць.

3. Зрабіць запраўку.

Узбіць у блендэры лёгка воцат, анчоусы

і трохі масла са слоічка з пячонкаю трэскі.

4. Заправіць гародніну і перамяшаць.

5. Пячонку трэскі падзяліць на буйныя кавалачкі,

выкласці да гародніннай салаты, вельмі лёгка перамяшаць.

6. Пасыпаць салату буйназмеленым чорным перцам.

Вы можаце замяніць праросткі маладым гарошкам у струках.

Па жаданні дадавайце каперсы.

Не забудзьцеся, што агуркі ўжо ўтрымоўваюць соль,

марская спаржа расце ўжо салёнай, анчоусы таксама салёныя.

Неабходнасці дадаткова дасаліваць салату няма зусім.

Атрымалася нетрадыцыйнае, але і ненадакучлівае спалучэнне.

Пячонка трэскі вельмі добра пагадніла ўсе кампаненты паміж сабой.