Нут (турэцкі ці баранавы гарох), запраўлены рэзкімі затаўкамі з цытрынай, ператвараецца са звычайнага гароху ў пікантны, экзатычны інгрэдыент. Паліваем салату натуральным ёгуртам з даданнем апельсінавага соку і мёда. Свежая мята - як упрыгожванне і дадатковы водар.

-нут кансерваваны - 1 слоік (440 г)

-зеляніна пятрушкі, дробна нарэзаная - 2 ст. л.

-цыбуля чырвоная, дробна нарэзаная - ¼ шклянкі

-алей аліўкавы - 2 ст. л.

-свежы сок цытрыны - 2 ст. л.

-цытрынавая цэдра цёртая - ¼ г. л.

-кумін молаты - ¾ г. л.

-перац кайенскі - дробка

-соль - па густу,

-чорны перац - па густу

-ёгурт натуральны, нетлусты - 3 ст. л.

-сок апельсіна - 1 ст. л.

-цэдра апельсіна цёртая - ¼ г. л.

-мёд - ¼ г. л.

-маладое лісце шпінату - каля 2 шклянак (60 г)

-лісце мяты, дробна нарэзаныя - 1 ст. л.

Зліце вадкасць са слоіка з нутам, прамыйце гарох. Перамяшайце нут, пятрушку і цыбулю.

Асобна змяшайце аліўкавы алей, цытрынавы сок, цытрынавую цэдру, кумін, кайенскі перац, соль і чорны перац.

Дадайце прыгатаваную запраўку да сумесі з нутам. Перамяшайце ёгурт, апельсінавы сок, цэдру і мёд.

Выкладзіце гарох на лісце шпінату, паліце ёгуртавым соусам і пасыпце нарэзанай мятай.