- пячонка трэскі ў масле (кансерваваная) - 300 г

-яйкі - 2 шт.

-агурок свежы - 400 г

-салера (сцябло) - 2 шт.

-кроп - па густу

1. Ставім варыць яйкі ўкрутую, а пакуль зоймемся астатнім.

2. Адкрыем слоічак пячонкі трэскі

і выкладзем пячонку на папяровыя сурвэткі, каб сцякло масла.

3. Ачысцім агуркі, памыем і абсушым кроп.

У салеры зрэзаць верхні пласт сцябла - так будзе далікатней.

4. Усё небуйна нарэжам. Некаторыя пячонку трэскі камячаць відэльцам,

але мне больш падабаецца парэзаць.

5. Яйка астудзім пад халоднай вадой, парэжам і дадамо да ўсяго.

Палову жаўтка можна пакрышыць зверху ў сярэдзінку.