-500 г буйнай спелай трускаўкі,

-200 г тварагу,

-1/2 шкл. слівак,

-1 вялікі апельсін,

-5 ст. лыжак малака,

-4 ст. лыжкі гарэлкі,

-3 ст. лыжкі цукру,

-1 пакуначак ванільнага цукру.

Трускаўку ачысціце ад пладаножак, добра вымыйце

і адкіньце на друшляк, даўшы сцячы вадзе.

Некалькі прыгожых ягад адкладзіце для ўпрыгожвання,

а астатнія парэжце ўздоўж на 4 часці.

Апельсін ачысціце ад лупіны і нарэжце тонкімі лустачкамі.

Выцісніце з іх сок, зліце ў асобную міску.

Трускаўку выкладзіце ў парцыённыя вазачкі.

Сок апельсіна змяшайце з гарэлкай і дадайце цукар.

Памешвайце датуль, пакуль цукар не растворыцца.

Паліце гэтым сіропам трускаўку. Сліўкі з ваніллю ўзбіце ў пену.

Тварог выкладзіце ў міску, разамніце відэльцам, дадайце малако

і ўзбітыя сліўкі і ўсё старанна перамяшайце.

Перад падачай на стол выкладзіце па 2-3 сталовыя лыжкі

тварогавай сумесі ў кожную порцыю трускаўкі,

упрыгожце цэлымі ягадамі і долькамі апельсіна.