-чырвоная парэчка - 0,5 шклянкі;

-цукар - 1 ст.л.;

-масла сметанкавае - невялікая лустачка (каля 1 ст.л.) ці алей;

-духмяны перац гарошкам і гваздзіка - па 3-4 шт. кожнага;

-мята сушоная - дробка ці 1 галінка свежай;

-цыбуля рэпчатая - 1 невялікая галоўка;

-лісце парэчкі ці вішні - 2-3 шт.(калі ёсць);

-соль

1. Падагрэцць на патэльні: масла + 0,5 шклянкі вады + цукар. Дадаць да іх чырвоную парэчку, знятую з галінак, рэзкія затаўкі і мяту. Тушыць на хуткім агні пад вечкам, пакуль не дасць сок.

2.Цыбулю і парэчкавае лісце дробна нарэзаць. Засыпаць у соус і тушыць зноў пад вечкам (няшчыльна прычыненым) да моманту, пакуль соус згусне, а цыбуля змякчэе і не будзе бачна вылучацца на паверхні соусу. Падсаліць.

3. Мяса нарэзаць на лустачкі і паліць ягадным соусам. Соус з ягад чырвонай парэчкі атрымліваецца вельмі духмяным, пікантным, кісла-салодкім. Лісце парэчкі ці вішні дадаваць не абавязкова, але яны нададуць соусу дадатковай духмянай свежасці і даўкасці. Калі вы любіце вострае, можна дадаць дробку імбіра і перцу чылі. А калі востры перац у вас свежы - нарэжце яго тонкімі кольцамі і засыпце ў соус разам з цыбуляй. А можна надаць густу ягаднага соусу строгасці, дадаўшы замест імбіра і чырвонага перцу чылі, востры чорны перац.

Гэты ягадны соус з чырвонай парэчкі, цыбулі і мяты можна выкарыстоўваць для сухаватага мяса. Ён смачна спалучаецца з вараным языком, бужанінай, кумпяком ці грудзінкай. Калі ў вас атрымалася сухая вараная ялавічына ці грудка, дадайце ў соус яшчэ 2-3 сталовых лыжкі сметанкавага масла і буйнейшую цыбуліну. Без цыбулі і ледзь меней салёным, гэты соус падыдзе для дэсертаў (салодкіх каш, пудынгаў, суфле, тварагу, сырнікаў і іншых ласункаў). Індыйцы часта рыхтуюць падобныя соусы, якія завуць "чатні". І ў справу ідуць разнастайныя ягады, садавіна, гародніна, яркія рэзкія затаўкі. Па гэтым жа рэцэпту можна прыгатаваць соус з чорнай і белай парэчкі, які будзе мець стражэйшае, мужчынскае адценне густу: малінавы, ажынавы і вішнёвы соусы, яблычна-ягадны, грушава-абрыкосавы і розныя іншыя. Соус з ягад да мяса, прыгатаваны па нашым рэцэпце, атрымліваецца вельмі смачным.