-грушы ці кісла-салодкія яблыкі - 10 шт.

-гваздзічкі - 30 шт.

-карыца - невялікі кавалачак

-цукар - 1/2 шклянкі

-вада - 2 шклянкі

-чарнасліў – 400 г

-цэдра і сок - 1 цытрыны.

Грушы ці яблыкі ачысціць ад скуркі, калі яны вялікія,

тое пераразаць напалову і ўторкнуць у іх па 2 ці 3 гваздзічкі.

Затым узяць паўшклянкі цукру, заліць яго вадой, пакласці цэдру,

зрэзаную з адной цытрыны, кавалак карыцы

і даць пракіпець разы два ці тры.

Скласці ў гэты адвар грушы ці яблыкі, закіпяціць іх разы два ці тры,

паліваючы з лыжкі адварам, у якім варацца, асцярожна паварочваючы

(але не дапушчаць, каб яблыкі разварыліся).

Калі грушы ці яблыкі будуць гатовыя, выняць іх асцярожна лыжкай

і скласці ў прыгатаваную глыбокую пасудзіну,

а адвар працадзіць асобна, усыпаць у яго шклянку цукру

і выціснуць сок 1 цытрыны, паставіць на пліту і даць пракіпець.

Добранька вымыць чарнасліў, скласці яго ў адмысловы посуд,

заліць кіпенем, накрыць вечкам

і даць пастаяць на даволі цёплым месцы на пліце.

Калі ён будзе досыць мяккі, адкінуць яго на сіта, каб сцякла вада,

і паскладаць паміж варанымі прыгатаванымі грушамі ці яблыкамі.

Калі сіроп будзе гатовы, выліць яго, гарачым на яблыкі ці грушы,

астудзіць і падаваць да абеду халодным.