- яблыкаў – 700 г

- клубнічнае ці малінавае варэнне (густое) – 100 г

- масла – 50 г

- цукровая пудра – 100 г

- яйка (жаўток) - 2 шт.

- сліўкі - 2 ст.л.

- каньяк ці ром - 1 ст.л.

- мука – 250 г

- яйка (для змазкі) - 1 шт.

Яблыкі ачысціць, выняць асяродак, запоўніць густым варэннем.

Муку высыпаць на дошку горкай, зрабіць у цэнтры паглыбленне,

напоўніць яго разрэзаным на дробныя кавалачкі маслам, дадаць сліўкі,

цукровую пудру, ром і жаўткі.

Сухой рукой хутка замясіць цеста

і вынесці яго хоць бы на гадзіну ў халоднае месца.

Перад выпечкай раскачаць цеста ў пласт таўшчынёй 4-5 мм.

і разрэзаць яго на квадратныя кавалкі.

На кожны квадрацік пакласці па яблыку, краі цеста захіліць

і заціснуць разам над яблыкам.

Вышмараваць зверху яйкам

і выпякаць у добрым жару ў плыні 30-40 хвілін.

Выпечаныя вырабы пасыпаць цукровай пудрай.