Каржы для нявесты:

-6 яйкаў (бялкі),

-1 шклянка цукру,

-1/2 шклянкі масла,

-1/2 шклянкі салодкіх слівак,

-2-3 шклянкі мукі,

-1 стал.лыжка пекарскага парашка,

-400 г міндальных арэхаў,

-200 г сечанай цытрыны,

-200 г дробна сечанага какоса,

-1 г. лыжка ружовай вады,

-1 г. лыжка цытрынавай эсэнцыі.

Расцерці разам масла і цукар, дадаць сліўкі. Змяшаць разам прасеяную муку з пекарскім парашком і ўсыпаць у сумесь з маслам.

Дадаць ружовую ваду і эсэнцыю, змяшаць з арэхамі і садавінай. Узбіць бялкі і ўвесці ў цеста. Спячы тры каржы дыяметрам 30, 25 і 15 см.

Каржы для жаніха:

-1 шклянка цукру,

-1/2 шклянкі паленага цукру,

-1 шклянка масла,

-6 яйкаў (жаўткі),

-2 шклянкі мукі,

-1-2 стал.лыжкі мытых разынак з костачкамі,

-400 г чорнай сушонай парэчкі,

-200 г сечанай цытрыны,

-100 г цёртых арэхаў,

-няпоўная шклянка добрага віскі,

-1 г. лыжкі соды,

-па 1/2 г. лыжкі гваздзікі, карыцы, мушкатавага арэха, перцу (усё перамяшаць).

Расцерці масла і цукар, дадаць яйкі і добра ўсё ўзбіць.

Усыпаць муку, пакласці разынкі, парэчку, сечаную цытрыну, арэхі, уліць віскі, дадаць соду і рэзкія затаўкі.

Усё добра перамяшаць. Раскачаць тры каржы. Кожны корж выпякаць у трох патэльнях дыяметрам 30, 25 і 15 см.

Пры тэмпературы 190 градусаў больш 2 гадзін.

Гатовыя каржы астудзіць 10 хвілін, а затым выкласці на талерку, каб астылі канчаткова.

Каржы жаніха чаргаваць з каржамі нявесты.

Крэм:

-1 шклянка размякчанага масла,

-240 г цукровай пудры,

-1 г. лыжка солі,

-8-10 яечных бялкоў,

-1/2 шклянкі салодкіх слівак,

-3 г. лыжкі ваніліну.

У глыбокім посудзе размягчыць і ўзбіць масла. Паступова дадаць, чаргуючы, цукар і яечныя бялкі, добра ўсё ўзбіць.

Затым усыпаць соль і ванілін. Дадаць сліўкі, каб крэм стаў густымі (яго не трэба падфарбоўваць).

Круглы кавалак белага кардона накрыць сурвэткай з узорам. На яго пакласці самы вялікі корж для жаніха, вышмараваць крэмам, зверху пакласці такі ж корж для нявесты.

Гэтак жа пакласці каржы дыяметрам 25 і 15 см. Затым вышмараваць крэмам увесь торт.

(Міску з крэмам увесь час трымаць накрытай вільготным кухонным ручніком, каб ён не засох).

Шчодра ўпрыгожыць торт завіткамі і ўзорамі з крэму па баках, а на яго верхавіне зрабіць з крэму букет руж.