Для безэ:
-11 астуджаных яечных бялкоў
-4 шклянкі цукру
Для заварнога крэму:
-600-700 г сметанкавага масла
-1,5 шклянкі малака
-3 шклянкі цукру
-3 яйкі ці 6 яечных жаўткоў
-ванілін і/ці 3-5 сталовых лыжак каньяку
Акрамя таго:
-грэцкія арэхі
-чарнасліў
-маленькія яркія ўпрыгожванні (мармелад, каляровыя дражэ ці свежыя ягады)
Узбіваць безэ трэба не больш, чым па тры бялка за адзін раз.
На адмысловай паперы для выпечкі, адрэзанай па памеру бляхі, намаляваць кругі дыяметрам 28, 24, 20, 16, 12, 8 і 4 см.
На кожным лісце пажадана размясціць як мага больш кругоў, прычым яны не павінны датыкацца.
Затым лісты паперы перавярнуць і пакласці на бляху (калі безэ наносіць непасрэдна на намаляваны контур, то алоўкавы след застанецца на гатовым вырабе).
Бялковую масу пакласці ў кандытарскі мяшок з насадкай з вялікай адтулінай (можна выкарыстоўваць трывалы поліэтыленавы пакет са зрэзаным кутком).
Выдушыць масу спачатку па контуру кожнага круга, а затым запоўніць увесь яго пляц.
Апошні, самы маленькі корж падсаджваць у выглядзе пірамідкі. Бляху з каржамі паставіць у духоўку, разагрэтую да 90-100°С.
Дзверцы духоўкі пакінуць прыадчыненымі і высушваць каржы 3-5 гадзін (у залежнасці ад колькасці пастаўленых блях).
Гатовыя каржы павінны лёгка адыходзіць ад паперы - калі "донца" каржоў застаецца прыліпшым да паперы, значыць каржы яшчэ не гатовыя.
Здымаць корж з паперы трэба паклаўшы яго на край стала і паступова высоўваць яго за край, адцягваючы паперу ўніз і паварочваючы корж па крузе датуль, пакуль пергамент цалкам не адлучыцца.
Для крэму лепш выкарыстоўваць не цэлыя яйкі, а жаўткі, пакінутыя ад безэ: замест 1 яйка - 2 жаўтка.
Адкласці 1/3 ці 1/4 частку крэму для ўпрыгожвання, а ў астатні крэм дадаць дробна сечаныя арэхі і чарнасліў.
Самы вялікі корж пакласці на талерку. На дно каржа меншага дыяметра вырабіць пласт крэму і пакласці яго на першы корж.
Такім жа чынам выкласці астатнія каржы. Калі паміж каржамі застануцца шчыліны, запоўніць іх крэмам.
Адкладзены крэм пакласці ў кандытарскі мяшок з маленькай зоркападобнай насадкай і выдушыць зорачкі ў выглядзе бардзюра на крэм, які віднеецца паміж каржамі.
У цэнтр кожнай зорачкі пры жаданні можна змясціць маленькія яркія ўпрыгожванні ці ягадкі.
| 