-1 кг свініны (мякаць задняй нагі)

-0,5 л квасу хлебнага

-1 цыбуліна

-16-20 бульбін

-2-3 долькі часныку

-7 ст. лыжак сала свінога растопленага

-лаўровы ліст

-чырвоны струкавы перац

-гваздзічка

-соль

-зеляніна пятрушкі - па густу.

Свініну пакласці ў керамічны ці эмаляваны посуд, дадаць лаўровы ліст, чырвоны струкавы перац, гваздзічку, нарэзаную кольцамі рэпчатую цыбулю, заліць хлебным квасам і на двое сутак паставіць у халоднае месца. Затым свініну абсушыць сурвэткай, вышмараваць часныком, расцёртым з соллю, пакласці на бляху, абкласці цэлымі вычышчанымі бульбінамі, паліць растопленым свіным салам і смажыць у духавой шафе на працягу 50 хвілін. Свініну і бульбу трэба перыядычна перагортваць і паліваць тлушчам і сокам. Гатовыя свініну і бульбу зняць з бляхі, а пакінуты сок выліць у рондальчык, дадаць трохі квасу, якім залівалася свініна, давесці да кіпення і працадзіць. Перад падачай на стол свініну нарэзаць тонкімі лустачкамі, раскласці на разагрэтую талерку, паліць растопленым сметанкавым маслам і ўпрыгожыць зелянінай пятрушкі. Асобна падаць гарачы мясны сок, смажаную бульбу, агуркі, памідоры і зялёную салату.