-500 г свініны,

-2 ст.л. смальца ці сметанкавага масла,

-1 морква,

-1 цыбуліна,

-0,5 кораня пятрушкі,

-4 гарошыны горкага перцу,

-2 гарошыны духмянага перцу,

-1 лаўровы ліст,

-2 шклянкі піва,

-1 г.л. сухой мяты,

-1 ст.л. сметанкавага масла для запраўкі булёна,

-1 кг бульбы,

-соль -па густу.

Буйны кавалак свінога кумпяка ачысціць ад жыл і плёнак, прамыць, пасаліць і абсмажыць на добра разагрэтым смальцы ці сметанкавым масле; затым яго перакласці ў рондаль, дадаць нарэзаныя моркву, пятрушку, цыбулю, перац гарошкам, лаўровы ліст, сухую мяту, заліць півам і тушыць да гатовасці. Пры падачы на стол бужаніну нарэзаць парцыённымі лустачкамі, гарніраваць адваранай бульбай, паліваюць летнім, працэджаным і запраўленым маслам булёнам.