-3-4 кг свініны,

-100 г солі,

-5-6 гарошын духмянага перцу,

-4 лаўровых ліста,

-3-4 долькі часныку.

Для цеста:

-1 кг мукі,

-1 яйка.

Для вобмешкі:

-цёрты хрэн.

Свініну вымыць, нацерці соллю, абкласці гарошынамі перцу, дробна насечаным часныком, лаўровым лістом, пакласці ў посуд і накрыць вечкам. Калі мяса пусціць сок, паставіць на 2-3 дні (можна на суткі) у халадзільнік. Час ад часу мяса трэба перагортваць. Пасля марынавання яго варта злёгку прамыць і абсушыць ручніком. З мукі, яйка і вады замясіць некрутое цеста, падзяліць яго на дзве часткі і раскачаць. Адзін пласт разаслаць на блясе, на яго паскладаць мяса, накрыць другім пластом, зашчыпаць краі і выпякаць 2 гадзіны ў гарачай духоўцы. З запечанага мяса зняць цеста. Бужаніну нарэзаць буйнымі кавалкамі, пакласці на талерку і пасыпаць цёртым хрэнам.