Свіное сала рэжам на кавалкі, памер якіх вы бачыце на фота, складваем ў рондаль, вытрымліваем 12 гадзін у халадзільніку пад вечкам. Рыхтуем расол - на 1 л вады 400 г солі, духмяны перац, лаўровы ліст, зерне каляндры. Варым да поўнага растварэння солі, астуджаем. Затым сала заліваем расолам і пакідаем проста на стале ў кухні пад вечкам на 3 сутак, кожныя 12 гадзін паварочваючы кавалкі з боку на бок. На трэція суткі рыхтуем сумесь молатага чорнага перцу, таўчонага часныку, парашка лаўровага ліста, каляндры і пякучага чырвонага перцу (яго зусім трохі). Кавалкі сала вымаем з расола, абсушваем папяровымі сурвэткамі і шчодра абшмароўваем спецыямі. Загортваем сала па некалькі кавалкаў у фальгу ці шчыльную паперу і захоўваемы абавязкова ў маразільнай камеры, вымаючы для ўжывання па адным кавалачку.