1 спосаб.

Сала соляць асобна ад іншай свініны.. На кожны фунт сала, з якога абрэзана ўсё мяса, даюць 2 лота пражанай солі. Першую лусту кладуць скурай уніз у плазаватае карыта, надразаюць яе да скуры з прамежкамі шырынёй 3-4 пальцы, пасыпаюць соллю увесь кавалак, уціраючы ў надрэзы. Тое ж самае робяць і з іншай лустай, што кладуць на першую скурай уверх. Трэці кавалак мусіць ляжаць скурай да скуры і г.д. Затым прыціскаюць сала дошкай і каменем і пакідаюць на 2-3 тыдні. Лусты абавязкова пераварочваюць, каб тыя з іх, што знаходзіліся зверху, апынуліся знізу, тады соль раўнамерна насычае іх. Потым сала вымаюць, трохі падсушываюць на ветры альбо захоўваюць у сухім і халодным месцы, куды паветра не даходзіць, ці вендзяць у халодным дыме. Вянджэнне робіць больш стойкім, але не ўсім падабаецца пах дыму. Лепш сала саліць, нарэзанным на кавалкі, у скрынях, шчыльна накрытых, якія стаяць у сухім і халодным памяшканні.

2 спосаб.

Значныя лусты сала добра соляць і трымаюць у якой-небудзь пасудзіне 18 дзён. Пасля дастаюць, закручываюць у сена, высушанае на печы, і складываюць у скрыню, дно якой таксама заслана сенам. Кожны рад яшчэ перакладываюць сенам, каб не было пустых месцаў, у якія можа трапіць паветра. На працягу лета скрыню аглядаюць некалькі разоў. Заўважыўшы на сале вільгаць, старанна яговыціраюць, прасушваюць на ветры, а потым зноў перакладваюць свежым сухім сенам. Калі ж сена адразу добра высушана на печы, тады рэдка узнікае неабходнасуь яго зменьваць. Скрыню шчыльна зачыняюць накрыўкай і ставяць у халоднае вельмі сухое памяшканне. Сала не псуецца цэлы год.