На яго прыгатаванне выкарыстоўваюць зрэзы паверхневага сала з хрыбтовай і бакавой частак. Сала з брушной часткі лепш скарыстоўваць на прыгатаванне каўбас або на ператопку. Знімаюць сала поласамі шырынёй 5-10 см, даўжынёй 20-30 см. Засольваюць яго паслойна ў шчыльных драўляных скрынках. На дно скрынак насыпаюць слой буйнай солі, на яе кладуць абсыпаныя з усіх бакоў соллю кавалкі сала ўніз скурай. Паміж сценкамі скрынкі і сала, а таксама паміж кавалкамі пакідаюць зазоры 0,5-1 см. Палажыўшы апошні слой , сала засыпаюць соллю, накрываюць пергаментам або белай тканінай і зачыняюць вечкам. У сярэднім на 15 кг сала расходуется 1 кг буйнай солі. Але колькасць солі абмяжоўваць не трэба, сала “возьме”, колькі яму патрэбна для нармальнага пасолу. Для смаку да солі можна дадаць таўчонага часнаку, пахучы і горкі здроблены перац, іншыя спецыі. Лепш за ўсё сала шпігаваць прасоленае сала часнаком. Сала можна спажываць праз некалькі дзён пасля засолкі. Прычым гатовае сала лепш не замарожваць, таму што часнок у ім набывае непрыемны пах. Захоўваюць сала ў цёмным прахалодным месцы. Праз 5-7 дзён пасля прасольвання сала націраюць перцам. Спачатку сала аскрабаюць ад лішняй солі, а потым націраюць яго сумессю з молатага перца і солі ў роўных частках. Гатовыя кавалкі кладуць шчыльна адзін да аднаго ў скрыначкі, высланыя пергаментнай паперай, шчыльна зачыняюць вечкамі і захоўваюць у цёмным прахалодным месцы. Сала на працяглае захоўванне складаюць у невялікія скрынкі са шчыльных дошак або фанеры. На дно кладуць слой (2-3 см) аржаной мукі, а на яе – кавалкі сала. Паміж сценкамі скрыні і салам павінен быць зазор 1-1.5 см, які засыпаюць мукой, а потым яе ўтрамбоўваюць. Паверх кожнага слоя насыпаюць муку (1-2 см), ушчыльняюць яе і кладуць наступны слой сала. Пасля складання ўсяго сала зверху насыпаюць слой мукі 2-3 см, ушчыльняюць яго, накрываюць пергаментнай паперай або чыстай тканінай, зачыняюць вечкам і ставяць у цёмнае прахалоднае месца. Сала ў такім выглядзе захоўваецца доўга, смак яго застаецца прыемным, яно не акісляецца і не жаўцее. Сала будзе гатова на спажыванне праз 20-25 дзён.