-бульба - 6 шт. (сярэдняга памеру);
-сыр камбазола – 200 г;
для залівання:
-малако - каля 300 мл;
-яйка - 1-2 шт.;
-соль - па густу
Бульбу прамыць, ачысціць і нарэзаць вельмі тонкімі лустачкамі. Для нарэзкі можна выкарыстоўваць тарку з шаткаваннем ці камбайн. А можна нарэзаць тонкія лустачкі нажом. З сыра камбазолы зрэзаць скарыначку і нарэзаць лустачкамі. Перад нарэзкай нож патрымайце ў гарачай вадзе, і сыр будзе лягчэй нарэзаць. Гарачатрывалую форму вышмараваць кавалачкам сметанкавага масла (рабіць гэта не абавязкова, але пажадана, каб запяканку было лягчэй даставаць з формы). Пакласці чвэрць бульбяных лустачак, затым пакласці пласт камбазолы, потым ізноў бульбу і сыр, і так, пакуль не скончацца ўсе прадукты. Сырны пласт - верхні. Яйкі злёгку ўзбіць, дадаць малако. Заліванне трохі заправіць соллю, але толькі зусім трохі (сыр салёны, таму запяканку лёгка перасаліць). Выліць малако з яйкамі ў форму. Форму накрыць фальгой і паставіць у прагрэтую да 200 С духоўку на 30 хвілін. Праз 30 хвілін зняць фальгу і запякаць яшчэ 10 хвілін. Гатовую запяканку сервіраваць гародніннай салатай.
|