-крабавае мяса – 450 г

-бульба - 1.4 кг

-аліўкавы алей - 1 ст.л.

-часнык - 1 зубок

-сліўкі (тлустасць 30%) - 320 мл

-мушкатавы арэх,

-белы перац,

-марская соль - па густу.

Разагрэць духоўку да 230 С. Дно і сценкі гарачатрывалай формы (38х25х2 см) вышмараваць аліўкавым алеем. Плоскасцю нажа раздушыць вычышчаны зубок часныку і нацерці ім дно і сценкі формы. У невялікім кубку змяшаць разам сліўкі, цёрты мушкатавы арэх, марскую соль і молаты белы перац. Крабавае мяса разабраць на кавалачкі, выдаліўшы хітынавыя пласцінкі, і падзяліць на 3 роўныя порцыі. Бульбу ачысціць і нарэзаць папярок на лустачкі таўшчынёй каля 3 мм. Усе вычышчаныя бульбяныя лустачкі падзяліць на 4, прыкладна роўныя, порцыі. На дно формы раўнамерна размеркаваць порцыю бульбы, зверху - порцыю крабавага мяса. Заправіць пласт крабаў соллю і молатым белым перцам. Паўтарыць пласты, запраўляючы крабавае мяса соллю і перцам. Верхні пласт павінен быць бульбяным. Заліць ўсё сліўкамі, імкнучыся прытапіць верхні бульбяны пласт. Накрыць форму фальгой і запякаць на сярэдняй паліцы каля 20 хвілін. Па заканчэнні 20 хвілін, зняць фальгу і запякаць яшчэ каля 25 хвілін, пакуль бульба не стане мяккай, а верхні пласт не падрумяніцца.