-1 кг маладых кабачкоў,

-200 г брынзы,

-50 г сметанкавага масла,

-3 яйкі,

-1 цыбуліна,

-¾ шклянкі малака,

-3 ст.л. цвёрдага цёртага сыра,

- 2 ст.л. мукі,

-2 ст.л. зеляні пятрушкі,

-чырвоны і чорны молаты перац,

-алей,

-соль.

Нарэзаць кабачкі ўздоўж на пластыкі каля 0,5 см таўшчынёй, абкачаць у муце, абсмажыць да скарыначкі і мяккасці.

Дробна нарэзаць цыбулю, абсмажыць да мяккасці, пакласці здробненую брынзу, заліць усё двума яйкамі, злёгку іх узбіўшы, пасыпаць пятрушкай, паперчыць чырвоным перцам.

Смажаныя кабачкі пакласці пластом у форму, вышмараваць масай з яйкаў і брынзы, затым ізноў пласт кабачкоў і пласт сыра з яйкамі і г.д.

Апошні пласт - кабачкі. З 2 ст.л. мукі, сметанкавага масла, солі, перцу і яйка прыгатаваць соус: муку абсмажыць на масле, ўліць малако, пасаліць і паперчыць, ўліць ўзбітае яйка і добра перамяшаць, не пакідаючы камячкоў.

Паліць соусам запяканку, зверху пасыпаць цвёрдым цёртым сырам, запякаць 20-25 хвілін у разагрэтай да 200 градусаў духоўцы.

Часцей за ўсё гаспадыні аддаюць перавагу спалучаць кабачкі з рознымі фаршамі - курыным, мясным і г.д.