-200 г - свежае лісце дзьмухаўца,

-100 г - свежая зеляніна крапівы (ці шчаўя),

-3 яйкі,

-1/2 шклянкі малака,

-½ шкл. тонкай вермішэлі,

-1 галоўка рэпчатай цыбулі,

-1,5 ст. л. алею,

-невялікі кавалачак сметанкавага масла,

-соль,

-спецыі - па густу.

Зеляніну дзьмухаўца і крапівы (шчаўя) прамыць і дробна парэзаць. Вермішэль сварыць, прамыць халоднай вадой, зліць ваду, дадаць некалькі кропель масла і перамяшаць.

Цыбуліну пачысціць, нашаткаваць дробна і абсмажыць, пасаліўшы, у масле да залацістага колеру.

Яйкі ўзбіць з соллю, дадаючы паступова малако, соль, спецыі і смажаную рэпчатую цыбулю і сечаную зеляніну, перамяшаць.

Выкласці сумесь у змазаную маслам гарачую форму і выпякаць у духоўцы і давесці да гатовасці.

За 5 хвілін да гатовасці запяканку вышмараваць сметанкавым маслам, парэзаць на невялікія кавалачкі і падаваць са смятанай ці кефірам.