-600 г лапшы

-200 г мяккага сыра (лепш мюнстар)

-150 г смятаны

-1 ст.лыжка алею

-125 г вэнджанай грудзінкі

-10 г сметанкавага масла

-1 жаўток

-буйная соль,

-молаты перац

Запоўніць вялікі рондаль вадой на 3/4, дадаць алей і лыжку солі. Давесці да кіпення. Пакласці лапшу і варыць каля 10 хвілін, перыядычна памешваючы. Адкінуць на друшляк, прамыць халоднай вадой.

Парэзаць грудзінку на дробныя кавалачкі. Злёгку абсмажыць на патэльні з антыпрыгарным пакрыццём без дадання масла. У асобнай форме змяшаць смятану з жаўтком, дадаўшы перац.

Абрэзаць скарыначку ў сыра і нарэзаць яго тонкімі палоскамі. Змяшаць лапшу з грудзінкай. Выкласці ў форму для запекання, злёгку змазаную сметанкавым маслам.

Зверху заліць смятанай з жаўтком і пакласці сыр. Запякаць 15 хвілін у духоўцы пры тэмпературы 210 градусаў.

Парада: каб мяккі сыр было лягчэй парэзаць, пакладзіце яго хвілін на 15 у маразільную камеру.