- 800-1000 г бульбы,
- 400-500 г варанага мяса,
- 100-150 г рэпчатай цыбулі,
- 2-3 ст. лыжкі масла,
- 1 яйка,
- 1 ст. лыжка смятаны,
- 1 ст. лыжка молатых сухароў,
- соль,
- молаты перац.
Адвараную бульбу і варанае мяса прапусціць 2 разы праз мясасечку, дадаць спасераваную да гатовасці рэпчатую цыбулю, соль, молаты перац, дробна здробненую зеляніну пятрушкі і ўсё добра вымешаць.
Масу пакласці на змазаную тлушчам, пасыпаную сухарамі бляху, вышмараваць сумессю з сырога яйка і смятаны і запекчы ў смажыльнай шафе.
Гатовую запяканку нарэзаць на порцыі, паліць маслам ці смятанай.
Нататка. Да запяканкі можна асобна падаць соусы - чырвоны, цыбульны, таматавы, смятанавы з таматам, маянэзна-смятанавы з таматам (гл. Соусы і запраўкі да страў з бульбы).
|